O brodo Vasa irisalo hem potonija odma o jekhto drom ked podžija andi Štokholm ko 1628. berš. Palo 333 berš ando more ikaldo odova ratno brodo hem o drumo šaj hine te nastavinipe. Avdije tano o brodo Vasa najšukar arakhdo brodo ando 17. veko. Ov šaj te dikhelpe ko jekh specijalno čerdo muzeji ki Štokholm. O brodo Vasa tano jekh unikatno umetničko blago kova isilje 98 procentija orginalna delija hem but šela isklesime skulpture.
Ko Vasa muzeji uzo brodo isi hem aver izložbe kola mothovena ando Vasasi ko isto vakti kratko hem dlogo istorija. Isi jekh šukar sortirimo butik hem jekh but cenimo restorani kuri šaj te halpe ando poloko ručko dži ko ušime buča. Isi manuša kola čerena buti sar vodičija/gajdja ki englesko čhib kola nekobor putija ko dive mothovena o muzeji. Isi hem audio-vodičija ko but čhibja. Film ando Vasa hem film e čhavorendže ”The Vasa Piglet” mothovipe svako dive ko pobuter čhibja. Sa khuvela ki cena.
Šukar aljan ko jekh istražibaso putujibe ko Vasaso sveto!
Posetin o Vasa muzeji
Vakti ked phravdo
Vakti ked phravdo o restorani ko Vasa muzeji
Keda phravdo o restorani dikh ko internet:
Ulaznica
Ki ulaznicaki cena khuvela o mothovibe e vodičeja, o filmja, o audio-vodičja hem jekh familjijarno drumo kuri šaj te džan kokri.
O mothovibe e vodičeja grupendže pobuter ando enja džene mora te zakazinipe angljeder. Kontaktirin o deo zakazibase te valjaniče pobuter informacije: bokningen.vasa@smtm.se
Angljeder so ka ave: Nane dozvolimo te lje tuvaja bari torba
Ko muzej nane dozvolimo te lje tuvaja bari torba hem torba so isi ola točkija. Šaj te lje samo tikni tašna ja tikni torba tuvaja andre ko muzej hem šaj te akhare odija tikni tašna/torba ko dumo ja ko piko. Ma ačhav ti tikni torba bilo kaj hem ov mukajeti te torbače.
Lje tuva jekh pothulo džemperi. Te šaj o Vasa brodo te arakhipe ko najšukar način mora te ovel ki temperatura ando 18-20°C hem podijekhvar šaj te ovel šudro andre ko muzeji keda avrijal tano tatipe.
Te slikine hem snimine ko muzeji tano dozvoljimo ama samo privatno te koristinipe.
Arakh dži ko Vasa muzeji
I adresa tani: Galärvarvsvägen 14, Štokholm.
Phirindoj ja bicikla:
Ljeja uzo 10 minutja bicikla, ja uzo 20 minutja te phire ando Vasa muzeji dži ko centar ko Štokholm.
Prevoz:
Džala tramvaji, autobusi hem brodo dži ko Vasa muzeji. Dikh o vakti keda džana ko akav sajt ko internet:
Vordancar:
O parking ko ostrvo Djurgården tano tikno. Pobuter parking isi angljeder o mosti, uzo Strandvägen och Narvavägen. Parking e invalidendže isi anglo muzejeso glavno ulaz.
Ando Vasa
Sose gradijape o brodo Vasa?
O brodo Vasa hine naručimo ando švedsko kralji Gustav II Adolf hem gradijelje otprilike 400 džuvlja hem murša ko Štokholm ko berš 1626. Ov hine jekh zoralo brodo kova hinelje trin bare jedrija kola šaj hine te akharen pana deš jedrija. Hine 52 metre ando vrho dži i kobilica, 69 metre hine dlogo hem hinelje 1200 tone. O brodo Vasa šaj hine te ovel jekh važno brodo sose hinelje 64 topija ki švedsko mornaričko flota.
O brodolom
Ko 10. avgust ko 1628. berš počija o brodo te plovini ando than kuri hine phanlo telo dvoro Tre Kronor. O udara ando topija hine phravde, sa o oružja hine odvojime hem ulo salutiranje. Pohari ačhadža o baro brodo i luka. Palji disavi balval o brodo bandžilo ki strana. Tegani o pani počija te khuvel ko brodo ando udara ko topija, kola hine phravde hem o brodo Vasa potonija. Ando 150 manuša kola hine ko brodo najhari 30 mulje. Valjandža te nakhel 333 berš angljeder o brodo Vasa ikljislo paljem ko kham.
Sose o brodo Vasa potonija?
Ko 17. veko na džajape disavendže teoretska dženibendže kola valjandže te čerenpe o brodo te ačhol stabilno, nego gradije ando iskustvo kova hineljen angljeder. Te mangljen te probinen disave neve tehnička buča, ko akava brodo o phare topija ko solduj strane, šaj hine samo te probine kokri. O brodo Vasa hine po pharo nego so valjandža hem naštine te irinipe ked bandžilo palji bavlal.
Okova kova arakhlja o brodo
O Anders Franzen pana sar čhavoro hine oduševimo odolje phage brodocar kola hine uzi Štokholm. O infomacije kola hinelje ando 17. veko pomožijelje ko nilaja ando berša 1954-1956 te rodel o brodo. Ando jekh brodo motoreja kova hinelje vučna letvice vucije ko moreso dno. Jekh dive o ronilac Per Edvin hem o Anders rodije uzo Beckholmen ked i koča astardžape ko disavo objekat ando hrast. O brodo Vasa arakhljape!
”Najbaro džanibaso puzla ko sveto"
Ando jesen ko 1957. berš počija i buti te ikaljipe o brodo. O ronioci thodže o tunelija teljo brodo te šaj o žice te nakhavenpe. Ko 24. april 1961. ikljislo o brodo upro pani hem spasijape e 14000 kaštunalje deloncar. O brodo hem odola deljija hine arakhde odovojeno a posle odola delija hine sastavime ko brodo sar jekh ando najbaro puzel buti.
O brodo vasa pana bajrari o džanipe ando plo vakti dž ko amaro vakti. O istražibe sar najšukar te arakhipe pana trajini. Dikhelape sar te arakhipe o kaš, o vijkija, o kosturija hem i svila. O cilj tano o brodo Vasa te ačhol hem e generacijendže anglo amende.
Čitin pobuter ando Vasasi istorija hem ando Vasa muzejeso istražibe ko engleski: